Ballina LAJME Mediat serbe: Në takimin e Berlinit do të dihet data e vazhdimit...

Mediat serbe: Në takimin e Berlinit do të dihet data e vazhdimit të dialogut

117

Në takimin e 29 prillit në Berlin, përfaqësuesit kosovarë dhe ata serb do të takohen ndërmjet vete.

Por sipas mediave serbe, ky takim do të krijojë një kuadër për rifillimin e negociatave si dhe do të dihet data se kur do të mund të vazhdojë dialogu Kosovë-Serbi.

Në këtë takim të pranishëm do të jenë: presidenti kosovar, Hashim Thaçi, kryeministri Ramush Haradinaj, presidenti serb, Aleksandar Vuçiq, kryeministrja Ana Brnabiq si dhe përfaqësues të shumtë të huaj,

Sipas raportimeve të para u tha se në këtë takim për Ballkanin Perëndimor nën organizmin e Kancelares së Gjermanisë, Angela Merkel dhe presidentit francez, Emmanuel Macron, një nga temat kryesore do të jetë dialogu në mes Prishtinës dhe Beogradit.